Chapter 36 (Part 1)

Wayne

Walang pag lagyan ang aking tuwa ng pumayag si Sam sa gusto ko. Halos gusto kong magtatalon sa 'di maipaliwanag na masarap na pakiramdam na bigla na lang pumulupot sa puso ko. Na sa isang kisap mata biglang nabura ang lahat ng sakit, frustrations at lahat-lahat ng samot- saring emosyon na kinimkim ko sa mga nakalipas na araw at buwan na ayaw n'yang pakinggan ang mga gusto kong sabihin at ipaliwanag sa kanya.

Matapos kong magpakasasa sa alak noon ng walang humpay sa bahay ko sa Tagaytay, humagulhol sa harapan ni Dad at payuhan n'ya tungkol sa problema ko kay Sam, kaagad akong nagplano kung paano makakabawi sa kanya at surprisahin sa birthday n'ya. Hindi ko man nagawa noong una, pero ngayon siniguro kong mapapasaya ko s'ya.

Halos magkumahog pa ako no'n pauwi ng Condo ko. Ngunit kaagad din akong natigilan ng subrang katahimikan ang bumungad sa akin pagkabukas ko ng pinto. Hindi ako sanay. Nagtataka ako bakit walang ingay. Walang malakas na tugtog na dati ko s'yan