Chapter 78

SUNUD-SUNOD akong naubo nang maalimpungatan dahil sa usok na nalanghap kong tumama sa aking mukha.

"Sorry..." Kahit kalahati pa lang ang nauubos ay pinatay na ni Francisco hinihithit na sigarilyo. Dinukdok niya sa ashtray na nakapatong sa side table. Nakatalikod siyang naupo sa gilid ng kama kung saan ako nakahiga.

Napabalikwas ako ng bangon. "B-Bakit- N-Nasaan ako?" Histerikal kong nilibot ng mata ang buong paligid. Nasa ibang kuwarto na ako, hindi pamilyar sa akin. Sa labas ng bintana ay kitang-kita ko ang mataas na sikat ng araw.

"Napasarap ang tulog mo. Kumain ka na..." instead ay kalmado niyang sabi saka tumayo at humakbang palapit ng pinto.

"A-Ano 'tong ginawa mo? Kasal namin ngayon ni Mike!" gigil na sigaw ko. Hindi ko alam kung maiiyak ba o magwawala sa galit. Umahon ako sa kama at lumapit sa kaniya. Gusto ko siyang sampalin, suntukin - saktan... "Demonyo ka talaga! Bakit ba ayaw mo akong maging masaya?" Pero nasalag niya ang mga kamay kong dadapo sana sa dibdib niya. He held