Chapter 80

NAPASILIP ako sa ilalim ng kumot nang makarinig ng kaluskos sa pinto. Dumating na ang demonyo. Nagkunwari akong natutulog pero tinitingnan ko ang ginagawa niya. May dala siyang isang malaking plastic bag na inilapag niya sa gilid ng higaan ko. Tumingin pa siya sa gawi ko at ilang sandaling natigilan. Then kinuha niya ang mga pinagkainan ko. Napakamot pa siya sa ulo dahil iniwan ko talagang gulo-gulo iyon. Iyong mga mumo, inilagay ko sa heater na may laman pang tubig. Then 'yong plastic ng tinimpla kong kape ay ginupit-gupit ko nang pira-piraso. Ikinalat ko sa sahig.

Nang makaalis siya ay saka ako bumangon. Curious na tiningnan ko ang dala niya. Mga damit? May mga bago ring underwear at bra? May toothbrush, may sanitary pads pa. May bagong sabon at shampoo. Aba! Naisip ako ng gago.

"Ano ba 'to?" dismayado namang bulalas ko nang tingnan ko ang size ng bra. 34B lang naman ako. Pero 'yong binili niya masyadong malaki. 40B? Tatlong pares 'yon kaya tiningnan ko pa 'yong iba. 36 at 38. Jusko