Chapter 81

INIIWAS ko ang mga braso ko nang tangkain na naman iyong saklitin ni Francisco pagdating namin sa isla niya. Itinulak ko pa siya saka ako bumaba ng speed boat. Ni hindi ko siya nilingon. Halos takbuhin ko papuntang pinto ng bahay. Naka-lock at nasa kaniya ang susi kaya naghintay pa ako. Parehong hindi maipinta ang mga mukha namin. Kung galit siya, mas galit ako.

Sinusian niya agad ang pinto at pabalyang binuksan iyon. "Pasok!" nakatiim na utos niya.

"Mauna ka!" sagot ko na bahagya pang dumistansya.

"Ang tigas talaga ng ulo mo-"

"Pa'no... t*ngina mo kase!" Itinulak ko siyang muli. Pumasok na nga lang ako pero hindi ko hinayaang mahawakan niya ako ulit. Bawat bagay na madaanan kong puwedeng ihagis, ibinabato ko sa kaniya.

"Ano ba? Ubos na mga gamit ko sa 'yo!" Lalong nanlisik ang mga mata niya.

"Magrereklamo ka, kung palayain mo na lang ako, gago!" Dumeretso ako sa kuwarto ko at ini-lock iyon. Binuhat ko pa 'yong bedside table at iniharang sa pinto. Sinubukan ko ring galawin ang aparado