Chapter 84

NAGISING akong may mabigat na nakadagan sa katawan ko. Medyo naduling pa ako nang pagmulat ko ay ang papalapit na mukha ni Francisco ang una kong nakita. Hindi ako nakapalag pa dahil hawak na niya ang aking mga kamay.

"Good morning!" masuyo niyang bati matapos ng ilang segundo niyang halik sa mga labi ko. Napatingin ako sa orasan sa may tapat ng higaan ko. Sa pagkakatanda ko ay alas-nueve ako pumasok dito sa kuwarto para magbawi ng tulog. At mag-a-alas-diyes pa lang ngayon. Kaya pala medyo masakit sa ulo.

"B-Bakit ba? Natutulog 'yong tao eh!" late reaction ko. Sinubukan ko pang kumawala pero nakasiksik na siya sa gitna ng mga hita ko.

"Ang init agad ng ulo, naglalambing lang eh." Pinupog niya ng halik pati mukha ko.

"T-Tigilan mo ako. H-Huwa-" Pero wala na, nahalikan na niya akong muli. Naramdaman ko rin ang masuyong pagdama niya sa katawan ko. Naitaas niya agad ang suot ko, nahubad, naitapon sa sahig. Lahat-lahat. Ang bilis ng mga kamay. Heto na naman siya. Binabaliw na naman ako.