Chapter 55

NAGISING akong parang binibiyak ang aking ulo. Nangangasim pa ang tiyan at hilong-hilo. Pagmulat ko ay mag-isa lang ako sa kuwarto. Pinilit kong bumangon at maglakad palabas. Nagugutom na ako. Atake pa ng hangover. Paano nga pala ako nakabalik dito?

Wala akong maalala. Sobrang lango ko sa alak.

Bakit kaya bigla akong kinabahan? Pagsilip ko sa malaking orasan sa gitna ng hallway pababa sa hagdan ay alas-singko na pala ng hapon. So maghapon akong nakatulog? Si Jean kaya, nasaan na? Gising na rin kaya siya?

Nakahawak ako sa gilid ng hagdan habang bumababa. Pati ang France ko nasaan din? Sa sobrang gutom, dumeretso na ako sa kusina. Naupo agad ako sa harap ng mesa.

"Good afternoon, Ma'am Sandy. Ano'ng gusto niyong kainin?" agad tanong ng katulong sa akin.

"Pahingi ng kape tsaka kanin. Kahit anong ulam." Napaub-ob ako sa mesa. Ngayon lang ako nagka-hangover ng ganito. Hindi ako sanay. Sa bagay, iba't ibang klase ng alak ba naman ang nilaklak namin kagabi. Pasalamat na lang ako't ito lang a