Chapter 53

"KUMAIN ka nang kumain," mata sa akin ni France nang nagba-brunch na kami. Hindi ko kasi masyadong ma-enjoy ang pagkain kahit masarap naman ang luto at gutom na ako. Paano ba naman ay nasa tapat ko si Jean, masama pa rin ang timpla ng mukha. Kung ibang tao siya, hindi ko siya papansinin kaya lang, gusto ko kasi ang personality niya. May pagkakahawig kami maliban sa pagiging conservative niya. Kaibigan na rin ang turing ko sa kaniya kahit ngayon lang ulit kami nagkita. Inalagaan niya rin ako noon and I know how sweet and gentle she is.

"Busog pa pala ako," naiilang na sabi ko. Sinabi ko naman kasing magpahatid na lang sa kuwarto ng pagkain, ayaw niya. Hindi tuloy ako makakain nang ayos. Sinisipa ko na nga sa ilalim para hindi na maging sweet sa akin, pero tuloy pa rin. Nainggit na naman tuloy ang isa.

"Akala ko ba gutom na gutom ka na? Tapos --"

Sinipa ko siyang muli, pinagdilatan pa ng mga mata.

"Bakit ba?!"

Sa inis ko napatayo ako. Ano ba namang lalaking 'to? Hirap maka-gets.

"O, s