Chapter 21

DALI-DALI akong pumasok sa loob at inayos ang mga kalat ko. Pinagsama-sama ko lahat sa isang malaking plastik iyong mga in can at plastic ng mga sitsirya. Itinapon ko agad sa basurahan.

"Grabe! Nakailang in can ka?" mangha pang tanong ni Francisco nang makita ang bitbit ko kanina.

"Siyam, bakit?"

Mulagat siyang tumingin sa akin.

"Seriously?"

Inismiran ko siya. "Ano naman?"

Umiling siya. "Wala naman. Pinahahanga mo lang ako. May problema ka ba? Puwede mo naman i-share sa akin. Huwag mong solohin at ..."

"Talagang may problema ako. Malaki. Ikaw!"

"Ano ba'ng ginawa kong masama...?"

Kunwari pa. Hindi ko siya sinagot. Inirapan ko lang. Nanatili akong nakatayo at nakasandal sa pader sa tabi ng ref. Nakabantay sa kaniya. Ayokong lumapit dahil hindi ako mapakali. Nawala na talaga totally ang amats ko. Sa lakas ba naman ng dating ng lalaking ito pati langit nangalit.

"Puwede ka namang umupo. Bahay mo 'to," halatang ilang ding sabi niya.

Umismid akong muli. "H'wag na tayong magpaligoy-ligoy