Chapter 2

Margaux

Gala night.

Bago pa man kami magkaroon ng hindi pagkakaintindihan ni Sam ay decided na akong um-attend dahil last sem ko na ito sa college at una't huling beses kong dadaluhan.

Sa dalawang taon na magkarelasyon kami ni Sam ay hindi rin kami uma-attend sa ganito dahil pareho kaming walang hilig.

Nakaharap ako ngayon sa salamin ng aking tokador at tinitignan ang aking sarili. Hindi ako sanay mag-make-up pero marunong akong mag-apply.

Simpleng lilac dress na may combination na white ang napili kong suutin. Tinernuhan ko iyon ng simpleng lilac stud earrings at necklace na may kaparehong color theme para hindi naman magmukhang bare ang aking leeg na kitang kita dahil sa mataas na ayos ng aking buhok at sa one strap na design ng damit.

Kakatapos ko lang mag final touch ng aking makeup ng marinig ko ang katok sa pintuan kasunod ang pagpasok ng aking ina.

“Wow, you look young and fresh! Ang ganda mo anak!” bulalas niya. Hindi ko naiwasang mapangiti dahil doon.

“Kanino pa ba ako magmamana?” Natawa siya dahil sa sinabi ko.

“Dear, hindi ka ba susunduin ni Sam?” nakangiting tanong ng aking ina. Hindi ko pa nasabi sa kanya ang nangyari dahil ayaw ko naman din na madisappoint siya. Tsaka baka maiyak lang ako sa harapan niya na ayaw kong mangyari.

“Kami na po ni Yvonne ang magsasabay.”

“Okay, but make sure na umuwi ka ng tamang oras ha. Huwag sasama sa kung sinong hindi mo naman kilala.”

“Ang laki ko na Mommy para gawin ‘yon,” natatawa kong sabi. Mas lumapit pa siya sa akin at pinakatitigan ako sa salamin kaya naman nagtama ang aming mga mata doon.

“Ang laki mo na nga anak, parang kailan lang ay nananakbo ka pang walang salawal sa garden.”

“Mi!” Bumunghalit kami ng tawa pareho bago ko naramdaman ang mahigpit niyang pagyakap sa akin mula sa aking likod.

“Gagraduate ka na tapos ay mag-aasawa. Nakakalungkot isipin na magkakaroon na ng bagong priority ang baby ko.” Naramdaman ko na mas humigpit pa ang yapos niya sa akin.

“Nagpapaka-emo ka dyan, Mi. Huwag kang mag-alala dahil hindi naman ako mawawala. Isa pa, halos kakasimula pa lang ng second sem.”

Umunat na ng tayo ang aking ina at dahil tapos na rin naman akong mag-ayos ay tumayo na rin ako.

“Sa school lang ang punta ko at hindi sa altar para ikasal kaya huwag ka muna maiyak.”

Gusto kong sabihin sa kanya na mukhang matatagalan pa ang paglakad ko sa aisle dahil break na nga kami ng inaasahan niya na rin na magiging asawa ko.

Sasagot pa sana siya ngunit sabay kaming napatingin sa pintuan ng may kumatok doon. Pagbukas ay ang nakangiting mukha ni Yvonne ang nakita namin.

“Ang ganda ah! Tama yan, magpaganda ka para–”

“Alam mo girl, halika na.” Putol ko sa kung anumang sasabihin niya dahil baka madulas pa ito at malaman ni Mommy ng wala sa oras ang nangyari sa amin ni Sam.

“Mi, aalis na po kami.” Agad akong humalik sa kanyang pisngi at hinila na si Yvonne palabas ng aking silid bago pa man ito makadaldal.

Nang makarating kami sa gymnasium ng university kung saan ginaganap ang gala night ay agad na napabaling ang tingin ng lahat sa amin.

Halata ang gulat sa kanilang mukha dahil hindi nga talaga ako uma-attend sa ganitong gathering.

Idagdag pa ang aking itsura na malaki ang ipinagbago dahil ngayon lang din nila ako nakitang naka-makeup.

Binati ako ng ilang mga kamag-aral at nagsimula na kaming magkwentuhan. Masaya silang makita ako at yon ang mahalaga. 

Ilang saglit pa at dumating na rin si Sam kasama nga si Chloe. Kapit na kapit ang babae sa braso ng lalaki na akala mo ay may aagaw dito. 

Nagtama ang paningin namin ni Sam at halata ang gulat sa kanyang mukha. Kahit siya ay ngayon lang din ako nakitang mag-ayos.

“I didn't think na aattend ka ngayon.” Magkaharap na kami ni Sam kaya naman kitang kita ko ang angkin niyang kagwapuhan sa suot niyang white suit na may combination na lilac na para bang pinag-usapan namin ang aming susuotin. 

“Babe, did she stalk on you?” maarteng tanong ni Chloe. At babe? Ang akala ko ba ay ayaw niya sa endearment? Bakit ngayon ay pinayagan niyang tawagin siyang babe ng Chloe na ito.”

“Nakiterno pa talaga siya sayo ng damit oh!” dagdag pagmamaktol ni Chloe.

“So talagang ikaw ang babaeng napansin kong sunod ng sunod sa akin ng ipagawa ko ang damit na ‘to?” inis na tanong ni Sam. 

Nakarinig ako ng bulung-bulungan mula sa nakapaligid sa amin. Mahina lang ang musika at hindi pa nagsisimula ang programa kaya mabini pa ang patugtog ng DJ. 

“At bakit ka naman susundan ni Margaux, aber?” mataray na sabi ni Yvonne pero pinigilan ko na magpatuloy pa. “Pero–”

Umiling ako sa kanya tanda ng pagsaway at wala na itong nagawa kung hindi ang bumuntong hininga.

Pero hindi ibig sabihin non ay mananahimik na rin ako.

“Hindi ko alam ang sinasabi mo and I don't have the luxury to do kung anuman ang sinasabi mo,” sabi kong hindi inaalis ang tingin kay Sam. 

“Siguraduhin mo lang. Ayaw kong bumubuntot ka sa akin kagaya ng ginagawa mo noon dahil naaalibadbaran ako.”

Nasaktan ako sa sinabi niya. Dati ay hindi niya ako pinagsasalitaan ng ganon kahit na anong kulit ko pa ng pagsunod sa kanya. Pero bakit biglang naging ganyan siya? 

Hindi na ako nakapagsalita pa dahil hinila na niya si Chloe palayo sa akin. Papunta sa grupo ng kanyang mga kaibigan na ni minsan, sa loob ng dalawang taon ng pagiging kami ay hindi niya ginawa. 

Ang sakit, ang sakit sakit. Ang akala ko ay magiging maligaya na ako ng maging kami, pero bakit nagkaganito?

“Margaux, huwag mo ng pansinin yon. He's not worth it.”

Gusto kong sundin ang sinabi ni Yvonne pero ang hirap na hindi pansinin at balewalain na lang ang salitang binitawan ni Sam.

Sinikap kong pakalmahin ang sarili ko. Pansamantala akong lumabas ng gymnasium para magpalamig at sinamahan naman ako ni Yvonne.

Nang sa tingin ko ay okay na ako at dahil narinig na rin namin na magsisimula na ang party ay pumasok na kami ulit.

Gusto ko ng umuwi pero sinabi ko sa sarili ko na mag-e-enjoy ako. Kaya kahit na masakit na makitang may kasayaw na iba si Sam at napaka-sweet pa ay tiniis ko.

“Would you like to dance with me?” tanong ng isang lalaking natatandaan kong mula sa college of engineering.

“Go, girl. Makipagsayaw ka. Pang-ilan na siyang nagyaya sayo.”

Dahil sa panunudyo ni Yvonne ay inabot ko ang aking kamay sa lalaki at sumunod sa kanya papunta sa gitna kung saan naroroon na din sila Sam at Chloe.