Kabanata 15

“Mas mabuting tanungin mo muna ang mga bata kung gusto ba nilang manatli rito o hindi. Pero Ivo asahan mong sasampahan ko ng kaso ang asawa mo, hindi biro ang ginawa niya sa aking anak. Tingnan mo ang mga pasa sa kanilang tuhod pati na ang namumulang pisngi ni Gavin. Sapat na itong ebidensya para makulong siya,” galit na wika n’ya kay Ivo. Napatango ito at tiningnan lang ang mga bata. Dahan-dahan niyang nilapit ang mga ito at hinawakan ang kaniyang mga kamay.

“Mga anak, huwag niyong iwan si Tatay, please. Bigyan niyo pa ako ng isang pagkakataon, I will not give Tita Shania a chance to touch you, I promise you that. Huwag lang kayong aalis dito sa mansyon.” Kita ko ang sinseridad habang tinitingnan ni Ivo ang kaniyang kambal.

“Please, mga anak. Huwag niyo akong iwan,” mangiyak-ngiyak na sambit ni Ivo sa kanila. Napatingin ang mga bata sa isa’t-isa at sa akin.

“Basta, promise mo pong hindi na mauulit ito pati ang pananakit niyo kay Nanay. Dahil nasasaktan din po kami kapag nasasakt