Kabanata 925

“Pagkatapos ng lahat, ang mga Knowles pa rin ang nagpalaki sa nanay ko,” Walang emosyong sagot ni Nolan. Ayaw niya sa mga Knowles, pero hindi niya maitatanggi na binuhay ng mga Knowles ang nanay niya kahit na ba iba ang layunin nila sa pagpapalaki nila kay Natasha.

Kumunot ang noo ni Madam Hathaway at sinabing, “Wala ako masiyadong alam sa mga Knowles, pero base sa sinabi ni Yorrick, mayroon yun kinalaman sa tagapagmana.”

“Tagapagmana?” Kumunot ang noo ni Nolan. “Akala ko ay iisa lang ang tagapagmana ng mga Knowles?”

Sinabi sa kaniya ni Madam Hathaway na mayroong dalawang anak na lalaki si Elder Master Knowles, pero hindi sila pareho ng ina. Ang anak niya sa unang asawa ay si Sam, at siya ang tatay ni Rick.

Pagkatapos pumanaw ng unang asawa ni Elder Master Knowles, nagpakasal siya sa ibang babae na halos kasing edad ng panganay niya. Nanganak ito kay Tristan. Kaya naman, mas matanda ng 8 taon si Tristan sa pamangkin niyang si Rick. Kung tutuusin, si Nollace dapat na maging tagapagm