Kabanata 741

Tiningnan siya ni Barbara at sinabi na, "Nagseselos ka."

Napatigil si Ryleigh. Umabot ng ilang sandali bago siya bumalik sa kaniyang katinuan. Kinuha niya ang unan at binato kay Barbara. "Nandito ka ba para tawanan ako?"

Kinuha ni Barbara ang unan at binalik yun sa kama. "Sige, sige. Kung tutuusin, niligtas ka ni Louis. At isa pa, hindi gaano kalala ang natamo mo kumpara sa kaniya, kaya sa tingin ko dapat mo siyang puntahan."

Hindi sumagot si Ryleigh.

Kinagabihan, pumunta si Ryleigh sa ward ni Louis. Matagal siyang nag alangan habang nasa harap ng pinto bago niya pinihit ang doorknob.

Nagbabasa ng magazine si Louis sa kama. Mayroon siyang gasa sa kaniyang pisngi at pasa sa gilid ng kaniyang labi.

Bahagya siyang nagulat nang makita niya si Ryleigh pagkaangat niya ng kaniyang ulo. Pagkatapos nun, nilagay niya ang magazine sa gilid at tinanong, "Bakit ka nandito?"

Tumigil si Ryleigh sa harap ng higaan niya. Sobrang kabado siya at hindi niya malaman kung saan niya ilalagay ang kamay