Kabanata 283

Bahagyang nagbago ang ekspresyon ni Rowena.

''Napakarumi talaga ng bunganga ng babaeng 'to. Matutuwa ako kung sasabihin niya 'yun kapag iba ang nasa harapan namin, pero mas mapapahiya lang ako kung sasabihin 'yun sa harapan ni Maisie.

Hindi napansin ni Wynona ang pag iiba ng ekspresyon ni Rowena at patuloy na tumitig kay Maisie. "Binabalaan kita, nandito ngayon si Mr. Goldmann sa training camp, kaya kahit ano pang tapang mo, kung susubukan mo kong saktan ngayon, hindi—"

Isa pang sampal ang nagpatulala pa lalo kay Wynona.

'Ang kapal ng mukha niya!'

Ngumiti ulit si Maisie. "Tinatakot mo ba ako? Gusto mo ba tawagin ni Ms. Summers si Mr. Goldmann para kampihan ka? Lilinawin ko lang sa'yo ngayon. Sasampalin pa rin kita kahit nakatayo rito ngayon si Mr. Goldmann. Gusto mo bang subukan?"

"Ikaw… Ikaw…" May gustong sabihin si Wynona pero para bang nakabaon ang lahat ng salita sa lalamunan niya.

'Bakit ang lakas ng loob ni Maisie? Sino ang nasa likod niya?'

"Hindi ka masasaktan k