Chapter 105.3

Sa halip na kulitin pa ni Gavin ang dalaga na sa paningin niya ay may sama pa rin ng loob sa nagawa niya ay pinili na lang niya na manahimik. Hindi man siya komportable sa panlalamig na pinaparamdam nito, kailangan niya iyong tiisin. Mamaya na lang niya itutuloy ang paglalambing na ginagawa niya. Subalit hindi niya pa rin matiis ang dalaga.

“Pasensya na talaga, Thanie, kung—”

“No, wala kang dapat na ikahingi ng tawad. Ako ang may kasalanan. Lumagpas ako sa boundary natin. Hindi dapat ako makialam.”

Sa sinabing iyon ni Bethany ay natameme si Gavin. Hindi niya na alam anong panghihinuyo pa ang kanyang gagawin dito. Nilamon na sila ng nakakabinging katahimikan. Pinabilis pa ni Gavin ang takbo ng ssakyan. Gusto na niyang makarating ng penthouse at ma-settle na nila agad lahat at maayos na ang gusot ng di pagkakaunawaan.

“Thanie—”

Pamartsang nagmamadaling pumasok ang dalaga ng silid. Ni walang lingon-likod sa kanya pagkapasok nila ng penthouse. Bahagya na napasabunot na sa buhok si Gavin.