Chapter 106.3

PAGKATAPOS NI BETHANY na kumain ng tanghalian ay nakatanggap siya ng tawag mula sa kanyang Tita Victoria. Ngayon lang nangyari iyon. Madalas na ang dalaga ang tumatawag sa mag-asawa. Kinabahan na siya, naisip na baka may kung ano ng nangyari sa kanyang pamilya kung kaya naman tumatawag ito.

“Busy ka ba ngayon, Hija?” bungad nito sa kanya na masasabi niyang hindi naman tunog hagas.

“Hindi naman po gaano, Tita Victoria.”

“O sige, pwede bang sumaglit ka muna dito sa bahay?”

Biglang napaisip na si Bethany. Bumalik ang kanyang kabang humupa at naglaho na roon kanina.

“Bakit po, Tita? May problema po ba kayo ni Papa?”

“Wala naman, hija. Basta pumunta ka na lang dito. Sumaglit ka lang.”

Lingid sa kaalaman ni Bethany na araw iyon ng kanyang kapanganakan. Dahil sa pag-aaway nila ni Gavin kung kaya hindi na niya iyon naalala. Masyadong naging okupado ang kanyang isipan kaya hindi naalala. Hindi naman iyon nagawang makalimutan ng kanyang madrasta at ng kinikilala niyang ama.

“Sige po Tita,