Kabanata 70

“M-Madam,” natatakot na lumapit si Tami kay Chiarra sa loob ng silid nito. “Madam, may sulat po na dumating at nakapangalan sa inyo.”

Nahinto ang pagsusuklay ni Chiarra ng mahaba niyang blonde na buhok sa harapan ng salamin nang sabihin iyon ni Tami. May nanlalaking mga mata siyang napalingon dito.

“Sulat? Para sa akin?” Magmula nang dumating siya rito sa mansyon ay wala na siyang naging koneksyon mula sa labas ng mundo. Kaya't sino naman ang magpapadala sa kanya ng sulat? Wala naman siyang kaibigan kundi ang mga bakla't babae roon sa prostitusyon.

Sa isiping iyon ay kumabog ang dibdib niya sa kaba. Hindi kaya'y pinaghahanap na siya? Pero imposible dahil binili na siya mula roon ni Priscilla!

Kaya bakit?

“Akin na!” may puwersa niyang kinuha mula sa kamay ni Tami ang magandang envelope na kinanginig pa nito. “Tsk!”

Hindi niya pinansin si Tami at nagmamadaling binuksan ang maliit na envelope. Kaagad niyang naamoy ang mabangong aroma na nagmula sa papel na nasa loob. Dahil diyon ay gumaan