Kabanata 68

Dahil sa mga tagumpay na nangyari nitong mga nakaraang linggo ukol sa kinahaharap na isyu, halos kada-araw na nakakatanggap ng mga regalo at mensahe mula sa iba't-ibang pamilya sa upper class si Celeste.

Madalas sa mga iyon ay wala naman talagang pakialam sa mga nangyayari at gusto lamang maki-isyuso at ipakitang nasa panig sila ng pamilyang Lombardi. Samantalang may iilang pamilya naman ang mukhang nagpapakita ng senseridad sa mga nangyayari.

Iyon ang kasalukuyan niyang tinatrabaho sa mansyon---ang kilalanin kung sinong mga pamilya ang talagang may mabuting intensyon sa kanya at sa mga Lombardi, na dapat niya ring kaibiganin.

Sa kabilang banda, natatawa siya na makita ang mga sulat at regalo sa kanya nila Veron, Anetta, at Rania. Mga plastic! Gusto nila ulit makipagkaibigan sa kanya at kalimutan na lang daw ang nangyari noon.

“Hmm…” Pinag-isipan niya pa ang pwede nilang maging gamit sa kanya sa hinaharap. Hindi na masama ang magkaroon ng mga alipores. Isa pa, sa tabas ng dila nila, pa