Chapter 1

"Katie!"

Umalingawngaw ang malakas na boses sa buong mansyon ng pamilya Anderson. Napapikit naman si Katie at malalim na nagbuntong-hininga, kumapit siya nang mahigpit sa mop at inihanda ang sarili sa taong paparating.

"Ma..." bungad niya sa galit na galit na mother-in-law. Nakapamewang ito at nakaturo sa kanya.

"Hindi ba't sinabi ko sayo na labhan mo ang marurumi kong damit na ginamit kahapon?" singhal sa kanya ni Divina, ang mother-in-law niya at ina ng kanyang asawa.

"Nagawa ko na po iyon kahapon pa—"

Hindi natapos ni Katie ang sasabihin dahil ibinato sa kanya ni Divina ang mga damit na sinasabi nito.

"Pero hindi mo inayos ang paglalaba!" Sumugod ito sa kanya at hinila ang buhok niya. "Ang dali-dali lang ng inuutos ko sayo, pero hindi mo pa magawa ng tama! Wala kang kwenta!"

"M-Ma... nasasaktan po ako," ungol ni Katie at pilit na inaalis ang kamay ng kanyang mother-in-law sa buhok niya. "A-Aray! Masakit po!"

"Talagang masasaktan ka dahil wala kang silbi sa pamamahay ko!"

Katie wanted to cry, but she refused to show any weakness in front of her mother-in-law.

"Maayos ko po nilabhan ang mga damit mo—Pwede mo itanong sa mga kasambahay," giit niya.

"But you used the machine. I wanted it handwashed!" Divina gritted her teeth and pulled Katie's hair again, making her whimper. "Hindi ko alam kung bakit sa dinami-dami ng babae ay ikaw ang pinakasalan ng anak ko! Isa kang inutil!"

Malakas siyang tinulak ni Divina kaya napasubsob siya sa sahig. Kinagat niya ang ibabang labi para pigilan ang pag-iyak.

"L-Lalabhan ko na lang ulit..." Nakayuko niyang sabi at nanginginig ang mga labi. "Aayusin ko po..."

"Dapat lang! Dahil kapag nakita ko na hindi pa rin maayos ang ginawa mo, ipapakain ko sayo ang mga damit na yan!" Hindi pa ito nakontento at malakas pang pinitik ang kanyang noo. "Pagkatapos mo mag-mop ng sahig ay punasan mo naman ang mga bintana. Magpalit ka na rin ng mga kurtina."

Tango lang ang naging sagot ni Katie. Nang makaalis na si Divina ay muli siyang napabuntong-hininga at hinarap ang malaking salamin sa sala para tingnan ang kaawa-awang sarili roon.

It had been a year since she married Josh Anderson, Divina Anderson's son. She was deeply in love with Josh, and it had been loved at first sight that night.

Abot langit ang kanyang tuwa nang pumayag si Josh na pakasalan siya matapos niyang lumayas sa bahay nila matapos i-anunsyo ng kanyang ama ang muling pagpapakasal, pitong taon matapos mamatay ng kanyang ina.

"Hoy, Katie!" Bagong boses naman ang narinig ni Katie na sumisigaw sa pangalan niya.

"Here we go again," bulong niya sa sarili at pumihit paharap sa paparating na si Jessica, ang sister-in-law niya.

"Bingi ka ba o nagbibingi-bingihan?" Mataray na bungad ni Andrea at inilagay ang kamay sa bewang. "Kanina pa kita tinatawag! My friends are coming over to the mansion, and I want you to cook for us."

Magluto? Hindi niya iyon trabaho. Marami silang kasambahay rito sa mansyon, kaya bakit siya nag magluluto para sa mga kaibigan nito?

"P-Pero hindi ako marunong magluto, Andrea. Alam mo naman yan... At isa pa, marami naman tayong kasambahay na pwede gumawa," pagdadahilan niya. Kung sa ibang gawaing bahay ay nakakatulong siya rito sa mansyon, kabaligtaran naman non sa pagluluto. 

"Marami naman tayong kasambahay?" Andrea scoffed, looking disgusted. "Katie, you'll never be a part of our circle and family. Honestly, I don't even know where you came from. Baka nga sa basurahan ka lang napulot ng kapatid ko."

Sa loob ng isang taon nila bilang mag-asawa ni Josh ay ganito parati ang eksena sa mansyon ng mga Anderson sa tuwing aalis si Josh. Pinaparamdam sa kanya ng mother-in-law at sister-in-law niya na hindi siya ang gusto ng mga ito para kay Josh. Pero hindi siya nagrereklamo, hindi siya lumalaban dahil pamilya ito ng asawa niya. Mahal niya si Josh kaya tinatanggap niya ang lahat ng masasakit na salita mula sa mga ito.

Gusto niyang sumagot at ipagtanggol ang sarili, pero iniisip niyang hindi iyon makakatulong para mas maging madali ang pagtanggap sa kanya ng pamilya ni Josh.

Just then, the front door opened. Iniluwa non si Josh, medyo basa ang buhok nito pati na rin ang damit. Napatingin ito sa kanila ni Andrea, pero bago pa ito makapagsalita ay umismid na si Andrea at nagmartsa paalis.

Binitawan ni Katie ang hawak na mop at dinaluhan ang asawa. "Basa ka. Nagpaulan ka ba?" Akmang pupunasan niya ang buhok nito, pero umiwas ito sa kanya.

"Maliligo na ako," anito at nilagpasan siya.

Mabilis naman humabol si Katie kay Josh at patakbong sumunod paakyat ng kanilang silid.

"Ako na ang maghahanda ng pampaligo mo," mabilis niyang sabi at inunahan ang asawa papasok sa loob ng kanilang kwarto.

Hindi naman umimik si Josh at hinayaan lang siya. Pinanood siya nito ihanda ang bathtub na walang mababakas na reaksyon.

"Napaaga ata ang uwi mo?" Sinulyapan ni Katie ang asawa.

"There's a typhoon approaching," tipid nitong sagot at nagsimula na maghubad ng suit at lumusong sa bathtub. Isinandal nito ang ulo sa pader, at ipinikit ang mga mata.

Pinagmasdan ni Katie ang asawa ng ilang minuto. May kakaiba rito na hindi niya mawari. Parang may itinatago ito sa kanya nitong mga nakalipas na araw. Pakiramdam niya ay nanlalamig ito sa kanya.

Lumabas na siya ng banyo at inihanda ang isusuot ni Josh, nang biglang mag-vibrate ang cellphone nito sa bulsa ng pants nito na nasa sahig. Muling niyang sinulyapan ang asawa, bago dinampot ang pants nito at kinuha ang cellphone.

Hindi niya ugali na i-check ang cellphone ng asawa niya, pero sa mga sandaling iyon ay may natutulak sa kanya na basahin ang bagong dating na mensahe.

Katie opened the message. Nalaglag ang panga niya nang mabasa ang nakasulat doon...

From Helena: I enjoyed our date today, baby. Thank you for making me happy. I love you. I'll see you tomorrow.

Si Helena ay ang best friend ni Josh, at siya ring ex-girlfriend ni Josh. Si Helena rin ang gusto ng pamilya ni Josh para kay Josh. Pero nang nagdesisyon si Helena na i-pursue ang pagiging international model nito at manatili sa New York ay naghiwalay sila ni Josh, and Josh was devastated. Gabi-gabi ito nasa bar at naglalasing, na siyang dahilan kung bakit nakakilala ni Katie si Josh. Broken hearted noon si Josh at si Katie naman ay nagrerebelde sa kanyang ama sa desisyon nitong pagpapakasal muli.

Hindi namalayan ni Katie na tumutulo na pala ang luha niya. She was hurt. Masakit, sobra. Hanggang ngayon ay si Helena pa rin pala ang nasa puso ni Josh. Wala pa rin palang puwang para sa kanya.

Pinunas niya ang luha sa pisngi at ibinalik ang cellphone ni Josh sa bulsa ng pants nito nang marinig ang mga ang pag-ahon ni Josh sa bathtub.

Humugot siya nang malalim na hininga, bago hinarap ang asawa. Hindi niya pa ito kaya komprontahin. Hindi pa siya handa sa mga isasagot nito sa tanong niya. Alam niyang nasa harapan na ang katotohanan, pero ayaw iyon paniwalaan ng utak niya.