90 - Sana

Padarag na binagsak ni Henrik ang iniinuman baso ng alak. Nasa counter siya ng pribadong bar at hinihintay niya lang dumating si Serenity. Tinawagan niya ang dalaga na magkita sila nito at ito ang nagsuhestyon ng lugar kung saan sila magkita.

Mas nauna siya rito ng kalahating oras at ngayon ay hinihintay na lamang niyang dumating ito. Kilala niya si Serenity. Ito ang may-ari ng pinagtatrabahuan Country's Coffee Shop ni Lianne noon. Inimbita rin siya nito minsan sa birthday celebration nito noon at alam niyang may gusto sa kaniya si Serenity noon pa. Umamin ito sa kaniya nung gabi pagkatapos ng birthday celebration nito pero hindi niya ito tinugon. Lalo na at kay Lianne nakatuon ang kaniyang atensyon noon at nirespito ito noon ni Serenity.

"Hey!"

Lumingon si Henrik sa dalaga na dumating lang ngayon. Humalik ito sa kaniyang pisngi at umupo sa katabi niyang stool. Nag-order ito ng sarili nitong drinks at siya ang nagbayad.

"So, we've here! What do you want to discuss? Is it the wedding?"