Chapter 54

Napailing-iling na lang ako habang inaalala ang mga pangyayari, at ngayon, narito ako sa labas ng bahay, nagtitinda ulit. Wala naman akong ibang ginagawa bukod dito. Abala ako sa pag-aayos ng mga paninda habang kumakain ng mansanas. Hindi ko alam kung bakit bigla akong nagiging mabilis magutom. Isang oras lang ang lilipas, gutom na naman ako. Naku, parang may dragon ata sa tiyan ko.

Habang abala ako sa ginagawa, biglang tumunog ang cellphone ko. Agad ko itong kinuha at tinignan ang screen. Napakunot ang noo ko at kinabahan nang makita kong ang principal ng paaralan nina Zeus ang tumatawag. May nangyari ba? Tumikhim ako bago sagutin ang tawag.

"Hello! Good afternoon," magalang kong sagot.

"Good afternoon din. Ito ba si Miss Cassandra Echidna Nyx Evangelista, ang ina nina Zeus, Zephyr, at Zuhair?" mahinhin nitong tanong sa akin.

Napakurap-kurap ako at agad akong kinabahan. "O-Opo, ako nga po. May nangyari po ba?"

Narinig kong bumuntong-hininga ito kaya napakagat ako ng labi.

"Kai