Chapter 53

Ilang araw na rin kaming nakauwi sa probinsiya, at unti-unti nang bumabalik sa normal ang buhay namin, tulad noong dati. Paminsan-minsan ay bumibisita si Dark, lagi siyang may dalang pasalubong, at kahit abala siya, lagi siyang tumutulong sa anumang gawain sa bahay. Siya rin ang naghatid at sundo sa mga bata kapag pasukan. Syempre, kapag bumibisita siya, lagi siyang naka-disguise. Mahirap na at baka may mga sumusunod sa kanya, kaya’t kailangan ang pag-iingat. Maging sa pagtulong sa pagbebenta ng mga paninda ko, laging nandyan si Dark. Nung una nga, gusto niya akong pagbawalan dahil sabi niya may pera naman siya, pero hindi ako pumayag. Gusto ko pa rin kasing kumita sa sarili kong paraan.

Kilala na rin siya ng mga kapitbahay namin. Noong una, natakot ako nang ilabas ni Aling Fe ang itak niya nang makita si Dark, buti na lang at napigilan siya ng asawa niya. May nangyari pang pagpupulong “KUNO” sa loob ng bahay ni Aling Fe. Sobra akong kinabahan, pero agad itong nawala nang makita kong