Chapter 19

"Hello?"

[Gawin mo na ang part mo. Hawak ko na si Zephyr at si Zu—este, gawin mo na, Cass. Dali.]

Napakunot ang noo ko sa sinabi niya at bigla na lang binaba ang tawag. Anyare dun? Bakit parang hindi siya makapagsalita nang maayos? Sinawalang-bahala ko na lang muna ang inis ko at huminga ng malalim. Ito na. Kaya ko ‘to. Wala nang atrasan.

"Anak, dito ka muna ha. May gagawin lang si Nanay sa labas, okay?"

"Okay po, Nanay." Tumango si Zephyr, ngumiti pa bago bumalik sa paglalaro niya. Napabuntong-hininga ako ng bahagya habang binulsa ang cellphone at naglakad papunta sa pinto. Nakakakaba. Hindi ko alam kung ano ang mangyayari sa mga susunod na sandali. Pero wala nang oras para umatras. Huminga ulit ako ng malalim bago ko binuksan ang pinto.

"Mga kuya?" tawag ko sa mga guwardya sa labas. Sa wakas, nakuha ko rin ang kanilang atensyon. Nilingon nila ako nang sabay-sabay, para bang nagtataka kung ano ang kailangan ko. Okay, acting mode.

"Nakita niyo ba si Zephyr? Kanina pa kasi siya wala,