CHAPTER 42

NANG MAKABALIK ng silid naalala niya ang gabing nagpaka lango siya sa alak dahil hindi magawang suklian ni Darcy ang pagmamahal na meron siya para rito.

Isang estrangherong lalaki ang nakatalik niya dahil sa katangahan. Isang araw nagising na lamang siyang bumabaliktad ang sikmura.

Sumabay pa ito ng tumawag sa kanya ang kapatid para ibalita ang isa pang dudurog sa kanyang sistema. Hinuli ito ng mga awtoridad.

Doon lamang niya nakilala si Nathalia. Isa ito sa nag demanda ng staffa sa kanyang kapatid.

Sa laki ng perang nawala rito at sa koneksyun na meron ay hindi ito nagawang malagpasan ng kanyang kapatid.

Nakiusap siya kay Nathalia na babayaran ang halagang nawala buhat sa kagagawan ng kanyang kapatid ngunit tila mapaglaro ang tadhana.

May tinatagong labis na poot ang mayamang babae sa kaibigan na si Darcy.

Sinamantala ni Nathalia ang sitwasyun niya kaya siya napilitang umuwi ng Pilipinas upang simulan ang kondisyun nito para iurong ang demanda sa kanyang kapatid.