Chapter 2: Para sa Scoop

Chapter 2: Para sa scoop

ANG GALIT na tingin ni Jaxon kay Skylar ay para bang gusto siya nitong saktan. Nanlamig siya sa takot. Namutla si Skylar at biglang bumagsak ang luha mula sa kanyang mga mata.

“H-How could you say that to me? Hindi ako cheap! I'm not a slút!”

Hindi niya gustong mapunta sa kama ni Jaxon. Siya itong biktima pero hindi nakikita iyon ni Jaxon. Ang nasa isip nito ay sinilo niya ito.

“If you're not cheap, why did you climb my bed, Skylar?! And why are you crying? May karapatan ka bang umiyak sa harap ko?" malamig na sabi ni Jaxon, walang bahid ng awa ang tono ng boses. Sa lamig ng boses nito ay parang hinihiwa noon ang puso ni Skylar at nahihirapan siyang huminga. 

“Five years ago, I told you I don't wanna see your face again. But here you are, shameless to get in my bed. If you're not cheap, what are you?”

Parang bomba ang bawat salitang binitiwan ni Jaxon. Sa narinig, tahimik na umalpas sa mga mata niya ang mga luha, kagat-kagat ni Skylar ang labi para pigilan ang hagulhol. 

“Get out of here!” Hinila si Skylar ni Jaxon pababa sa kama at inihagis ang kanyang maskara na tumama pa sa may dibdíb ni Skylar. 

Nang marinig iyon, mabilis na sininop ni Skylar ang iba pang gamit at walang lingon-lingon na tumakbo palabas ng kwarto. 

"Damn it!" asik ng naiwang si Jaxon sa loob ng suite. Tinitigan nito ang pagtakas ni Skylar doon. 

Galit nitong sinipa ang unan at pinagbabato ang mahawakan. Hindi niya maintindihan kung bakit galit na galit ang pakiramdam siya. Sinindihan ni Jaxon ang isang sigarilyo na nahablot sa side table at may tinawagan. 

“Come up here!”

Pagkalipas ng tatlong minuto, dumating si Wallace, ang private assistant ni Jaxon, na hinihingal. Nakita ng lalaki si Jaxon na nakatayo sa harap ng bintana, suot ang itim na robe, hawak ang isang sigarilyo at humihithit doon. Ang aura nito ay malamig at nakakatakot na parang gustong umatras ni Wallace. 

"Sir Jaxon..." maingat na sabi ni Wallace.

"Who's the person who brought a woman here?" tanong ni Jaxon, kalmado ang mukha ngunit alam ni Wallace na nagpipigil ito ng galit. 

Napalunok si Wallace. "Pasensya na, Sir Jaxon. Iche-check ko kaagad at babalik ako sa loob ng sampung minuto."

Pagkaalis ni Wallace, nanatili si Jaxon sa harap ng bintana, tahimik na pinapanood ang mga tao sa labas. Nakita niya mula sa labas ng transparent window si Skylar na nasa intersection, nagtatangkang pumara ng taxi ngunit walang pumapansin sa kanya. Para itong iniwan ng mundo. Matagal bago nakasakay si Skylar sa taxi at umalis.

Pagbalik ni Wallace, dala na nito ang impormasyon.

"Sir Jaxon, nalaman ko na. Ang babae kagabi ay si Skylar Aquino, an unknown entertainment reporter. Madalas siyang nagbabantay ng mga celebrities para kumuha ng balita."

"So, she's a paparazzi, huh? Check the whole room." Alam na ni Jaxon ang intensyon ni Skylar. Umigting ang panga niya sa naisip. 

Pagkatapos ng thorough inspection, nakahanap si Wallace ng isang wireless na pinhole camera. Dumilim ang ekspresyon ni Jaxon. 

“You're good, Skylar. Just for a fúcking scoop, you even paid with your body.” Nakakuyom ang palad na humarap siya sa assistant. “Spread the news. Walang media company dito sa Metro Manila ang dapat kumuha kay Skylar o makakalaban nila ako."

Ang boses ni Jaxon ay malamig at kalmado, sanay na sanay na itong magbitiw ng mga salitang kayang sumira sa isang tao. 

"Yes, Sir Jaxon."

***

PAGKATAPOS makauwi, nagmadali si Skylar na pumasok sa banyo para maligo. Tumayo siya sa ilalim ng shower. Ang mainit na tubig ay halos sumunog sa kanyang balat hanggang mamula ito, pero hindi nito kayang alisin ang sakit at sama ng loob sa kanyang puso.

Ang mga salitang binitiwan ni Jaxon—na isa siyang cheap na babae— paulit-ulit na naririnig ng kanyang isip.

Napaupo siya, niyakap ang kanyang tuhod at humagulhol.

"Jaxon, bakit mo naman ako tinawag na gano'n? Hindi naman ako pokpók, eh. Hindi ko ibinebenta ang sarili ko para sa pera. You should believe me! Dati naman, naniniwala ka sa lahat ng sinasabi ko..."

Hindi niya alam kung paano sila umabot sa ganitong sitwasyon. Magkaklase sila noong high school, naging close noong college at sandali ring nagsama sa iisang bahay. Pero ngayon, bakit umabot sa ganitong sitwasyon? 

Ayaw ni Skylar na maging kaaway si Jaxon. Masakit. Hindi niya kaya. 

Simula nang ituring siya ni Jaxon na kaaway, naalis si Skylar sa eskuwela, nawalan ng trabaho at lumayo siya. Ang bawat araw na lumilipas ay parang bangungot—parang nahulog siya sa napakalalim na hukay. Pilit siyang lumalaban para makalabas, ginagamit ang natitirang lakas pero hindi siya makaahon. 

*

PAGLABAS ng banyo, narinig ni Skylar ang pagtunog ng kanyang cellphone. May tumatawag, si Linda na co-worker niya. 

"Linda…" Sinagot niya ang tawag, handang tanungin ito kung bakit siya nito pinahamak kagabi. 

Pero bago pa siya makapagsalita, nagsalita na ito, "Skylar, pinapaalam lang ng Sir na tanggal ka na."

Nanlaki ang mata ni Skylar sa narinig. Parang ilang segundo pa bago siya nakapagsalita.

"Ha? Bakit? Ano'ng ginawa ko?!"

Pero ang sagot lang sa kanya nito ay ang pagpatay ng tawag. 

Dahil doon, nagdesisyon si Skylar na puntahan ang opisina nila para humingi ng sagot sa tanong niya. Hindi siya pwedeng basta-basta mawalan ng trabaho. Kailangan niya ng pera. Kailangan niyang malaman kung bakit siya tinanggal! 

Pagdating niya sa opisina, walang tao sa front desk kaya walang pumigil sa kanya. Pumasok siya diretso sa opisina ng boss. 

"Sir, bakit n’yo ako tinanggal—Sir?"

Walang tao roon. May narinig si Skylar boses mula sa loob ng maliit na kwarto sa opisina. Isang pamilyar na boses ng babae.

"Sir..."

Si Linda iyon, parang dumadaîng kaya napalunok si Skylar. Napagtanto ni Skylar na may relasyon si Linda at ang kanilang boss. Kaya pala mataas ang performance bonus ni Linda kahit sabay lang sila nag-umpisa sa kumpanya.

Napabuntong-hininga siya at naupo sa sofa. Hintayin niya na lang silang matapos.

Matagal bago tumigil ang mga naririnig niyang ingay mula sa maliit na kwarto. Pero hindi pa rin lumabas ang Sir at si Linda. Sandaling nahinto ang ingay at boses ni Linda ang narinig ni Skylar. 

"Sir, nakuhanan ko ng litrato si Skylar at si Jaxon Flinn Larrazabal noong lumabas sila sa suite. May reward ba ako sa ginawa ko?"

Natigilan si Skylar. Hindi siya makapaniwala sa narinig. Alam pala ni Linda na nasa kwarto siya ni Jaxon at kinunan pa siya ng litrato!

"Ikaw pa ang may lakas ng loob humingi ng reward?! Buti nga hindi kita sinisante kasabay ni Skylar!" galit na sagot ng lalaki. 

Nagulat si Linda sa sagot nito. "Bakit, Sir? Hindi ba ikaw ang nagsabi na lagyan ko ng drûgs ang inumin ni Skylar at dalhin siya sa kwarto ni Jaxon Larrazabal para may headline tayo?"

Hindi na napigilan ni Skylar ang sarili. Binuksan niya ang pinto dahil sa galit. 

"Ang kakapal ng mukha ninyo?! Anong kasalanan ko para gawin n'yo sa akin iyon?! Ang sasama ninyo! Hindi n'yo ba alam na ilegal ang ginawa n’yo? Irereport ko kayo sa mga pulis!"

*