Kabanata 14

Tiningnan ni Sander si Sandy ng matagal bago ito umupo sa kahoy na upuan malapit sa bintana.

"Ayos naman," maikling saad ni Sander.

Binaba ni Sandy ang mangkok sa lamesa at umupo na nakaharap kay Sander.

"Alam kong ngayon lang tayo nagkita o magkakausap, pero huwag mo sanang masamain nag itatanong ko. " Naghintay si Sandy ng sagot mula kay Sander, pero katahimikan lang ang natanggap niya. "Bakit hindi mo pinagpatuloy ang pag-aaral?"

Malungkot na tumingin si Sander kay Sandy, hanggang sa dahan-dahan niting binaba ang mata at tumigil ang paningin sa sahig.

"Matanda na ako para magpatuloy pa sa pag-aaral."

"Wala sa edad ang edukasyon, Sander. Kaya mo pang magtapos kung sakali na babalik ka ulit sa pag-aaral ngayon."

Umiling si Sander. "Hindi ko na kaya ang pangkukutya na makukuha ko mula sa magiging kaklase ko na mas bata sa akin. Ayos naman ang buhay ko ngayon. Pinapakain at binibigyan naman ako ng pera."

"Pagmamahal at pag-aalaga, meron bang binibigay sayo ang ating magulang?"