Chapter 66 – Unexpected Visitor

Pinuntahan ni Marina si Mylene sa kuwarto nito at inabutan n'ya itong nagbubuklat ng isang fashion magazine. Galit niyang hinablot iyon.

"Bakit na naman 'ma?" Tanong ni Mylene habang sinusubukan kunin ang magazine sa ina ngunit inilayo iyon ni Marina.

"Hindi ba mahigpit kitang binilinan nung sinundo kita pabalik dito? Anong sinabi ko sayo?"

Nagkibit-balikat lang si Mylene, hindi nito inintindi ang katanungan ng ina. Sumandal ito sa headboard ng kanyang kama. "Ano ba yung sinabi mo? Hindi ko matandaan e."

Ang masama nang mukha ni Marina ay lalong pang sumama nang makita ang inasta ng anak. Sinunggaban niya ito sa braso. "Ako ba talaga Mylene ay ginagalit mo? Wala ka na ngang silbi, ganyan ka pa! Hindi mo ba talaga sineseryoso ang mga sinasabi at ang mga ibinibilin ko sayo, ha?!" Singhal niya

"Aray! You're hurting me!" Kumawala si Mylene mula sa mahigpit na pagkakakapit ng ina at galit na tumayo. "Ano bang problema 'ma? Baka nakakalimutan mo na meron ka pang dapat ipaliwanag sa kin..