Chapter 65 – Gone

"Alfie, halika dito." Tawag ni Eduardo sa bunsong anak na naglalaro sa di-kalayuan. "Tawagin mo ang ate Agnes mo at hindi pa kumakain yun."

Bago pa man makaalis ang bata ay pinigilan ito ni Marina. "Ako na lang at baka mapagod ang bata." Lumapit ito sa lamesa at tiningnan ang pagkaing inihahanda ni Eduardo para sa anak na babae.

"Ikaw?" Takang tanong ni Eduardo sa asawa dahil nalalaman niyang hindi maganda ang relasyon nito sa kanyang unica hija. Maging si Alfie ay nagtataka rin sa kanyang step mother.

"Ano ka ba Edward, bakit naman ganyan ka kung makatingin sa kin? Hindi ba ko puwedeng magmalasakit kay Agnes? E para ko nang anak yun, hindi ba?"

Iwinaksi ni Eduardo ang pagdududa at hinayaan ang asawa sa gusto nito, ngunit dinala nito ang pagkain ng dalaga pag-akyat nito.

Kumatok si Marina at sa pahintulot ni Agnes ay pumasok ito. Nadatnan nito ang dalaga habang naglalagay ito ng mga skin care products. Dahil nasa sarili n'yang pamamahay kung kaya hindi na kailangang mag make-up di