Chapter 64 – Mend

"May alam akong bagong bukas na bar, sabi ng kakilala ko na nakapunta na doon ay okay naman daw kahit kulang pa sa ayos, subukan natin. Ano, game?" Tanong ng isang lalaking nagmamaneho ng isang van sa kanyang mga kasama.

"Sure! Walang problema sa kin. Kayo ba?" Tlanong ng katabi ng nagmamaneho sa mga kasama niya sa likod.

"Ayos lang sa kin."

"Ako rin."

"Game ako... Ikaw Vance?" Tanong ng isang lalaki sa likod. Nilagpasan nito ang isang lalaki na kanina pa masama ang timpla. Hindi nga niya alam kung paano nagawa ng mga kasama n'ya ang isama ito.

"Kahit ano. Ikaw ba Aeros, ayos lang ba sayo?"

"Bahala kayo...." Walang pakialam na sagot ni Aeros. Hindi talaga n'ya gustong sumama sa grupo dahil mas gusto niya ang tahimik at gusto muna sana niyang mapag-isa ngunit wala na siyang magawa nang hilahin siya ni Vance at ng chubby'ng lalaki sa grupo.

Natahimik ang mga tao sa loob ng sasakyan. Nalalaman nilang kanina pa masama ang timpla ni Aeros. Hindi na sana nila papansinin ang pagsusungit