Kabanata 62

“Pagbutihin ninyo ang pagbabantay, ayokong marinig na nakalapit sa kapatid ko ang Andrade na ‘yan kundi mapapatay ko kayo.”

Ito ang mahigpit na bilin ni Miles sa kanyang mga tauhan, habang nakahilera ang mga ito sa kanyang harapan. Kasama ng sampung mga bodyguard ang lahat ng mga security personnel ng kumpanyang Ramirez. Walang alam ang mga ito na malaya na akong nakakalabas-pasok sa kanilang kumpanya. At ngayon ay nandito lang ako sa likod ng aking hipag.

Marahas akong nagpakawala ng isang mabigat na buntong hininga. Paano ko makukuha ang loob ng hipag kong si Miles kung sagad sa buto ang galit nito sa akin.

“Yes, Ma’am!” Sabay-sabay na sagot ng lahat, na tinugon naman ni Miles ng isang tipid na tango. Ngayon ko naunawaan ang kapatid kong si Xavien kung bakit kinatatakutan nito ang galit ng kanyang asawa, dahil napakahirap pala nitong suyuin.

Nagsimulang humakbang palayo sa kanyang mga tauhan ang hipag ko. Hanggang sa dumaan ito sa harap ko habang ako ay bahagyang yumukod upan