Kabanata 65

“Mrs Hilton, ayon sa pag-iimbestiga ko ay walang naging boyfriend ang kapatid mo sa State. Base sa naging sagot ng University na pinasukan ni Ma’am Maurine, hindi siya nakapagtapos ng pag-aaral. Tanging first semester lang ang ipinasok ni Ma’am Maurine dahil huminto na siya sa kanyang pag-aaral. Napag-alaman ko rin na isang buwan lang nanirahan ang kapatid mo sa bahay ng Tita Celeste mo.

Pasensya na, kung wala akong nakuha na anumang impormasyon kung bakit lumayas ang kapatid mo sa poder ng iyong tiyahin. Sapagkat ayaw magbigay ng anumang pahayag ni Mrs. Celeste.”

Labis na nagimbal si Miles sa kanyang mga nalaman. Halos pigil na niya ang kanyang hininga. Awang ang bibig habang nakatulala sa mukha ng imbestigador na binayaran niya para mahanap ang ama ng pinagbubuntis ng kanyang kapatid. Pero hindi niya sukat akalain na iba ang kanyang matutuklasan.

“A-Ano pa ang mga nalaman mo?” Tiim-bagang na tanong ni Miles na halos hindi na niya maibuka ng maayos ang kanyang bibig. Habang mah