Book 4: Chapter 31-Temporary Amnesia

LAHAT ay tahimik habang nakalinya sa harap ni Jeydon at hinihintay itong magsalita. Nasa mga mata nito ang pagkalito habang isa-isa silang tinitignan na tila kinikilala pa kung sino ang mga naroon. Lalong binalot ng katahimikan ang paligid nang bumukas ang pintuan at pumasok doon si Ynrahd na nakaupo sa wheelchair at tulak ng ina nito.

"Oh ayan, nagising na siya kaya tama na ang iyak!" pang-aalo muli ni Julia sa anak nang makitang gising na si Jeydon. Kakagising lang din ni Ynrahd at hindi tumigil hanggat hindi dinala roon upang makita ang asawa nito.

Nangunot naman ngayon ang noo ni Jeydon habang nakatitig sa babaeng parang bata na pinupunasan ng sariling kamay ang luha sa mga mata nito.

"Bro, ayos ka lang?" Hindi nakatiis na tanong ni Ashton kay Jeydon habang sinusuri ang ulo nito.

"Ano ang ginagawa mo?" Iritableng tanong ni Jeydon sa kaibigan nang sapuin nito ang kaniyang noo.

"Kilala mo ba ako?" Sa halip ay tanong ni Ashton sa kaibigan at tangkang iilawan ang kanang mata nito ga