Chapter 54

ABBY POV

Tahimik akong nakamasid kay Luther habang may kausap ito sa cellphone. Hindi ko alam kung sino ang kausap nito pero ramdam ko ang tensiyon nito habang galit na sinasagot ang kung sino man ang nasa kabilang linya.

Agad akong napatayo mula sa pagkakaupo ng marinig ko ang pagbanggit nito sa dalawa kong anak. Mukhang ang kidnappers ang kausap nito kaya naman lalo ko pang tinalasan ang aking pandinig.

"Hindi! Hindi ako papayag sa gusto mo! Alam kong ikakapahamak ni Abby ang gusto mong mangyari!" Sigaw nito. Agad akong nakaramdam ng matinding kaba ng banggitin nito ang pangalan ko. Hindi ko maintindihan pero mukhang kilala nito ang kanyang kausap. Mukhang kilalang kilala ni Luther ang dumukot sa mga anak namin. Agad akong naglakad palapit dito. Hinintay ko munang matapos nito ang pakikipag-usap bago ako nagsalita.

"Tumawag na ang mga kidnappers? Ano ang gusto nila?" agad na tanong ko kay Luther. Napansin ko pa ang pagkagulat sa mga mata nito nang tumingin sa akin. Hindi marahil nit