CHAPTER 79.

Pagkatapos nilang kumain ay nagtungo na sila sa school para sa gaganaping family day event.

"Hello, Sofie, sino yang kasama mo?" tanong ng isang bata kay sofie na sa tingin niya ay ka-klase ng mga anak niya. "Daddy mo?" dagdag pa nito.

Ito kaagad ang bungad na tanong sa anak niya pagkapasok nila sa loob ng gym kung saan gaganapin ang event. Nakaholding hands kasi si Sofie sa daddy nito kaya marahil nagtataka rin ang mga ito kung sino ang kasama ni Sofie.

"Yes, daddy ko siya, daddy namin siya. Pogi ng daddy ko no?" may pagmamalaking wika ni Sofie.

Napangiwi naman si Abi sa sinabi ng anak niya. Pero pagtingin niya sa paligid ay nagbubulungan ang ibang mga nanay na naroroon at ang mga mata ay nasa lalaki.

Hindi rin nakaligtas sa pandinig ni Abi ang sinabi ng isang babae sa gilid.

"Ang gwapo naman niya, daig pa artista sa kagwapuhan niya," wika ng isang babae na tingin niya ay kasing edad niya.

"Oo nga, ang pogi naman niya at mukhang ang hot niya," dinig niyang sambit din ng