CHAPTER 84.

SEBASTIAN

Kinabukasan ay dumating ulit ang mommy ni Seb sa hospital kasama si Nanay Rosa mga bandang hapon. Medyo umaliwalas na ang mukha ng mom niya kahit mababakas pa rin ang lungkot dito.

"Anak, umuwe ka na muna at kami na rin ang bahalang magbantay rito sa daddy mo sa hospital," wika ng mommy niya.

"Thank you, mom, maliligo at magbibihis lang ako. Babalik din ako agad," saad niya sa ina.

Akmang tatayo na si Seb nang maramdaman niyang ginagap ng mommy niya ang isang palad niya. Marahan iyong pinisil ng ginang at malungkot ang mga matang nakatitig sa kanya.

"Okay na anak, ligtas na ang daddy mo. Kaya puntahan mo na ang pamilya mo ngayon, at alam kong miss na miss mo na sila. Ang tanging hiling ko palagi na sana maayos at mabuo mo na muli ang pamilya mo. Alam ko na hindi madali anak, pero tulad ng palaging sinasabu ko sa 'yo, huwag kang sumuko, kung mahal mo pa si Abi, ipaglaban mo. Gawin mo ang lahat ng makakaya mo para sa pamilya mo," wika ng mommy niya.

Tumulo ang mga luha