CHAPTER 88.

ABIGAIL

Magkahawak ang kamay nila ni Seb habang naglalakad papasok sa loob ng hospital kasama ang kanilang mga anak.

Bantay sarado naman sila ng mga tauhan ni Seb. Dahil ayon sa asawa niya ay mabuti na ang nagdo-double ingat sila. Ayaw nga sana na pumayag ni Seb na pupunta sila sa hospital. Pero dahil sa makulit ang mga anak na gustong makita ang lolo at lola ng mga ito ay walang nagawa si Seb kundi pagbigyan ang mga bata.

"Oh my God!" sambit ng biyenan niyang babae pagpasok nila sa loob ng kwarto kung saan naka-confine ang daddy ni Seb. Nakatakip pa ang dalawang kamay nito sa bunganga habang ang mga mata ay nakatingin sa kanila.

"Good morning po, mommy," pagbigay galang niya sa biyenang babae.

"Mga apo ko!" wika nito at mabilis na lumapit sa tatlong bata at niyakap ang mga ito ng sabay.

"Kids, kiss your lola," utos ni Seb sa tatlong anak.

"She's your mom, daddy?" tanong pa ni Sofie na bumaling sa daddy nito.

Matamis na ngiti naman ang iginanti ni Seb sa anak saka tumango. Y