CHAPTER 82.

SEBASTIAN

Samo't-saring emosyon ngayon ang nararamdaman ni Seb habang papasok muli sa loob ng hospital. Papaanong nabaril ang daddy niya? Sino ang walang pusong gustong pumatay sa ama niya? Ito ang mga tanong na paulit-ulit na pumapasok sa utak niya. Hindi pa niya nakakausap ang mga pulis na nag-iimbestiga ukol sa pamamaril sa daddy niya dahil ngayon lang din siya nakakabawi ng lakas.

Pagdating na pagdating niya kasi noong nakaraang araw ay agad siyang kinuhanan ng dugo para isalin sa ama niya dahil maraming dugo ang nawala rito. Si Rowan na muna at pinaharap niya sa mga pulis. Ang kapatid naman nito na PI niya ang siyang tumutulong sa kanila para mahuli ang sino mang salarin sa nangyaring pamamaril.

Ayon sa kwento ni Rowan ay alas nueve ng gabi natapos ang meeting nila kasama ang daddy niya at ilang executives at board of members ng kumpanya. Saktong palabas na raw sa main entrance ng building ang daddy niya nang bigla itong pinaputukan ng mga armadong lalaki na riding in tand