CHAPTER 62.

THIRD PERSON

Kasalukuyan ngayong nasa loob ng kwarto si Seb. Sakay ng wheelchair niya ay nakatanaw siya sa glass wall kung saan makikita ang garden ng mommy niya.

Tahimik lang siyang nagmamasid sa labas nang pumasok ang mommy niya sa kwarto niya.

"Anak, halika ka kainin mo na itong niluto kong pagkain para makainom ka na ng gamot," malambing na wika ni mommy Palma sa anak.

Tahimik naman na lumapit si Seb, tulak-tulak ng sariling wheelchair. Kumain siya konti sa porridge na niluto ng ina at pagkatapos ay uminom ng gamot.

Muling bumalik ang mata niya sa glass wall at tumutok ang tingin niya sa labas.

"Gusto mo bang lumabas, anak? Gusto mo bang pumunta diyan sa harden?" malambing na tanong ng mommy niya.

"No, mom," tipid niyang sagot.

"Iniisip mo ba si Abi? Anak magpagaling ka at hindi pa huli ang lahat. Kayang-kaya mo pang mabawi ang asawa mo," wika ng mommy niya.

"Tingin mo mom, nararapat pa ba ako kay Abi? Ang laki ng kasalanan ko sa kanya at sa mga anak namin