CHAPTER 38.

Lumakas ang kabog ng dibdib ni Abi. Kung buntis siya, paano nangyari iyon gayong baog siya? At walang kakayahan na magbuntis. Pero may malaking parte sa puso niya ang nagsasabing sana nga ay buntis siya. Na sana nga ay totoo!

Iniling-iling ni Abi ang ulo niya. Ayaw niyang umasa dahil sa huli siya ang higit na masasaktan.

"Impossible! Dahil ang doctor mismo ang nagsabi na baog siya. Pero paano kung nagkamali lang pala ito noon? At paano niya ipapaliwanag itong mga nararamdaman niyang kakaiba sa katawan niya," gulong-gulo niyang tanong sa isip.

"Besh, sandali lang ha, babalik ako agad," wika ni Lyca at nagmamadaling lumabas ng bahay.

Nagtatakang sinundan naman niya ng tingin ang kaibigan habang nagmamadali itong umalis. Napaupo naman siya sa upuan dahil tila nanghihina pa siya dala ng sunod-sunod niyang pagsusuka kanina.

"Alam mo anak, sigurado talaga ako na buntis ka. Malakas ang kutob ko. Iyang pagduduwal mo at pagiging maselan mo sa amoy, isa lang ang ibig sabihin niyan,