CHAPTER 40.

Habang naghihintay ng masasakyan na pampasaherong jeep ay isang magarang kotse ang huminto sa tapat ni Abi. Mukhang natatandaan niya ang sasakyan na ito dahil sa plate number na nakikita niya.

At bakit naman kaya ito huminto at sa mismong tapat pa niya?

Bumukas ang pinto ng driver seat at lumabas ang sakay niyon. Tama nga ang kutob niya. Si Harry ang sakay ng kotse. Naka pang office attire pa ang lalaki at nakasuot ng mamahaling shades. Umikot ito mula sa kabila at lumapit sa kanya.

"Hi," nakangiting bati sa kanya ni Harry sabay tanggal ng suot nitong sunglasses.

"Hi," tugon naman niya sa lalaki at tipid na ngumiti.

Napansin ni Abi na matamang nakatitig sa kanya si Harry kaya naman naisipan niyang tanungin ang lalaki. "May kailangan ka ba?" tanong ni Abi kay Harry. Naiilang kasi siya sa mga tingin nito.

Napansin naman niyang napakamot muna ito sa dulo ng kilay ang lalaki bago ito nagsalita.

"Ahmf, actually, pauwe na rin ako. Kagagaling ko lang kasi isang meeting sa labas