CHAPTER 47.

SEBASTIAN

Nagising ang diwa ni Seb nang makarinig siya ng boses na ng mga taong nag-uusap.

Pinakiramdaman niya ang sarili at nakaramdam siya ng kirot sa kanyang ulo. Dahan-dahan niyang iminulat ang mga mata at una niyang nakita ang puting kisame. Nakahiga siya sa kama at nakasuot ng pang hospital dress.

Nilibot niya ang paningin at nakita niya ang mommy niya malapit sa pintuan at kausap ang isang doctor. Pero maya-maya lang ay umalis din ito.

"Hayop ka Johnson! Magbabayad ka!" naikuyom niya ang kamao sa matinding galit.

"Seb, anak! Thank God at gising ka na," narinig niyang wika ng mommy niya habang papalapit sa kanya.

"Mom."

"Ano ba talaga ang nangyari anak? Mabuti na lang at nakita ka ng isa sa mga staff natin sa condo," wika ng mommy niya na bakas sa mukha ang pag-aalala.

Nakuyom ni Seb ang kamao at sinimulang ikuwento sa ina ang totoong nangyari kung bakit siya ngayon nasa hospital. Sobrang sakit ng ulo niya sa ginawang pagpukpok sa kanya ni Sandra dahilan para du