CHAPTER 37.

Kinabukasan nagising si Abi sa mabangong amoy na nalalanghap niya. Pagdilat niya ng mga mata ay hindi niya nakita sa higaan si Lyca kaya napabalikwas siya ng bangon.

Agad siyang napatingin sa cellphone niya at nakitang maaga pa pala kaya nakahinga siya ng maluwag. Ang akala niya ay late na siya nang makita niya na wala na si Yca sa tabi nila ni baby Gav. Sakto rin naman na narinig niyang tumunog ang alarm niya.

Mabuti na lang at hindi nagising si baby Gav sa naging kilos niya. Inayos niya ang pagkakahiga ng anak at pinalibutan niya ng mga unan ang gilid nito.

Patayo na sana siya nang makaramdam siya ng pagkahilo kaya muli siyang napaupo sa kama.

Napahawak si Abi sa sentido niya at bahagyang hinilot-hilot ito. Ito na naman iyong pakiramdam niya na kapareho nang kahapon.

Maya-maya pa ay tumayo na siya at kailangan na niyang maghanda para mamaya sa pagpasok niya sa trabaho. Nakakahiya naman kay Yca nauna pa itong nagising sa kanya.

Paglabas niya sa kwarto ay nakita niyang