Chapter Eighty-four

ILANG oras na rin siyang naghihintay sa kabilang kalye habang nakatitig sa patahian. Pinipilit niyang magpahalata dahil natatakot siya na makita ni Russel mula sa loob.

Kapag nalaman nitong nagdududa na naman siya, paniguradong magsisinungaling lang ito. Nagpakawala siya ng hangin habang yakap ang sarili. Maalinsangan ang paligid at masakit sa balat ang sinag ng araw.

Luminga siya sa paligid. Nakailang ulit na siyang hinintuan ng mga taxi ngunit umiiling siya sa mga ito. Bahagya pa siyang napasinghap nang bumusina ang malaking truck na paparating.

Sa puntong iyon naman, bigla siyang natigilan at mabilis na namilog ang mga mata nang makita ang pagbukas ng pintuan ng tailoring shop, at ang paglabas ng lalaking si Russel.

Hinanda na niya ang sarili para makita ang babae nito, ngunit bahagya siyang napamura nang dumaan ang malaking truck at natakpan siya.

"Ano ba iyan!" Sinubukan niyang humakbang patungo sa kaniyang kaliwa upang mahabol ito ng tingin.<