Chapter 63

Agad kong ibinalik ang cellphone sa driver's seat nang nahagip ng mga mata ko na pabalik na si Zeus. Chinarge ko ang cellphone ko at ipinilig ang ulo ko sa bintana. Ipinikit ko ang mga mata ko at nagkunwaring natutulog. Napansin ko ang pagdating ni Zeus at ang pag-andar ng limo niya.

Makalipas ang ilang minuto ay nagdilat na ako ng mga mata. Sinulyapan ko siya. Nasa daan pa rin ang paningin niya. Hinahanap ng mga mata ko ang cellphone ni Raheel. Hindi ko mapigilang magtaka kung bakit nasa kaniya 'yon. Siya ba ang nag-reply sa akin sa araw na 'yon at hindi si Raheel o si Andrea?

"You're awake," saad niya nang nahuli niya akong nakatingin sa kaniya.

"Y-Yeah, kagigising ko lang," sambit ko at pilit na ngumiti.

Hinubad niya ang jacket niya at ibinigay ito sa akin. Tinanggap ko naman ito agad kasi naka-uniporme pa ako at papasok kami sa loob ng mall para bumili ng regalo sa Lola niya .

Mahigit dalawang oras na kaming palibut-libot sa loob ng mall, pero wala pa ring nahanap na pwede ir