Chapter 64

"Kumain na po ba kayo? Anong gusto niyong kainin? Ipagluluto ko po kayo," tanong ko habang pinupunasan pa rin ang mukha ko. Hindi ako makapaniwalang nandito siya. Hinanap niya ako.

"Kahit ano, Anabelle. Namimiss ko ang mga pagkaing niluluto mo sa akin," sagot ni Nanay at pinasadahan ng tingin ang buong kwarto ko.

Iniwan ko muna saglit si Nanay kasi bibili ako ng karne sa pinakamalapit na palengke. Hindi pa kasi ako nakapag-grocery kasi naging busy sa pag-aaral kahit kasisimula pa lang ng klase.

"Ipagluluto ko muna kayo," saad ko nang nakabalik na ako. Nagsaing ako ng kanin habang hinihiwa ang binili kong karne ng baboy.

"Nasaan pala ang asawa mo?" biglang tanong ni Nanay kaya napahinto ako sa ginagawa ko at lumingon sa kaniya.

Binitawan ko ang hawak na kutsilyo at pinunasan ang kamay ko. Nakangiti lang si Nanay sa akin. Parang hinihintay ang sagot ko. Napakagat-labi ako. Hindi ko alam kung paano ko sasabihin sa kaniya ang lahat-lahat. Na biglaan ang pagpapakasal na 'yon kasi nang