Chapter 158

Nahihirapan akong lunokin ang pagkaing inorder ni Theo rito sa American Food Restaurant, hindi kalayuan sa unibersidad na pinapasukan namin, kasi panay ang pagtitig niya sa akin.

"Kinikilig ka siguro sa panghaharana ni Ben sa 'yo kanina. May pa bulaklak pa, pero bakit mo ibinigay kay Elise?" pang-aasar ni Theo.

"Kanina ka pa. Nakararami ka na. Kapag ako napikon sa 'yo, pasensiyahan na tayo," pagbabanta ko.

Humigpit ang paghawak ko sa kubyertos. Kung hindi lang 'to anak ng mag-asawang tumutulong sa akin upang maitaguyod ang pag-aaral ko, baka kanina ko pa 'to sinaksak. Mauubos na ang oras namin dito sa resto, pero si Ben pa rin ang bukambibig niya. Kapag binabanggit ko naman ang pangalan ni Rain, ang bilis niyang mag-iba ng usapan.

"Ano? Niyaya ka niyang maging date sa acquaintance party?" pngungulit niya. Nilagyan niya ng kanin ang plato ko. Sinamaan ko siya ng tingin, pero ngumisi lang siya at nag-peace sign. "Kumain ka ng marami. Ang payat-payat mo."

"Alam mo, Theo, naiirita na