Chapter 112

Nakaupo katabi nina Raheel at Anabelle ang lalaking nakausap ni Tito Jude. Nakangisi ito habang nasa kay Tito Jude ang paningin. Kapansin-pansin ang takot sa mukha at panginginig ng katawan ni Tito Jude.

"Sino siya?" agaw pansin kong tanong sa kaniya kaya napalingon siya sa akin.

"H-He's -"

"I think everyone is here," panimula ni Raheel at tumayo. Lumingon siya sa direksyon namin bago pinasadahan ng tingin ang ibang taong dumalo.

Maraming sinasabi si Raheel, pero kahit isa ay wala akong naiintindihan. Nasa kina Anabelle at sa lalaki ang buong atensiyon ko. Nang lingonin ko si Tito Jude, namumutla at pinagpapawisan siya.

"Mr. Jude Montefalco, are you okay?" tanong ni Raheel.

Lumingon ang lahat kay Tito Jude at isa-isang nagsipagtinginan sa kani-kanilang mga phone nang sunod-sunod itong tumunog. Hindi ko rin mapigilang tingnan ang phone ko nang mapansing may dumating na notification.

Nanlaki ang mga mata ko nang nakita ang video naming dalawa ni Tito Jude sa loob ng factory