Chapter 109

Parang nanuyo ang lalamunan ko. Kahit isang salita ay nahihirapan akong bigkasin. Nakatitig lang ako sa singsing na kumikinang sa loob ng maliit na box. Pinasadahan ko ng tingin ang paligid. Nagtagal ang paningin ko kina TJ at Tatay, na parang hinihintay na lang din ang sagot ko.

"Anabelle," tawag ni Raheel kaya napalingon ako sa kaniya. "W-Will you marry me?" nanginginig ang boses niya.

Humugot muna ako ng malalim na hininga at hinawakan ang kamay niya. "Y-Yes. I'm gonna marry you again," sagot ko.

Pinasuot niya sa daliri ko ang singsing at tumayo upang yakapin ako. Naghiyawan ang mga tao sa paligid. Hindi ko mapigilang maluha habang tinititigan ang singsing.

"Kinabahan ako sa isasagot mo," sabi ni Raheel. Hinigpitan niya ang pagyakap sa akin.

"Alagaan mo ng maayos ang anak ko. Sa oras na nalaman kong nagloloko ka na naman, ako na ang makakalaban mo, Raheel. Masama akong magalit," may pagbabanta ang boses ni Tatay bago niya ako niyakap.

"Maraming salamat po sa pagtanggap at pag