008: Proposal

Serenity's Point of View

Naglakad ako papunta sa mesa, pinipigilan ang sarili kong huwag ngumiti nang malaki. Paano ba naman, sino ba naman ang hindi kikiligin sa ganitong set-up? Ang daming ilaw na parang mga bituin na nagkalat sa paligid, may mga bulaklak na nakapaligid sa mesa, at naroon ang dalawang plato na nakatakip, na para bang sinasabi sa akin na espesyal ang gabing ito. "Wow, bumabawi talaga siya," bulong ko sa sarili ko. Akala ko, dahil sa nangyari kagabi, gusto niyang itama ang mga bagay-bagay.

Habang nagpapalipas ng sandali, biglang tumunog ang musika, isang malambing at romantikong awitin na lalong nagpasidhi sa ambiance ng gabi. Napalingon ako at doon ko napansin ang isang babae—matangkad, payat, at napakaganda. Parang bumagal ang oras nang makita ko siya. Sa bawat hakbang niya, tila ba may kakaibang alindog na humahatak sa lahat ng atensyon sa kaniya.

Ang lalaki na kasama ko kanina, ang siyang umaalalay sa babae habang lumalapit ito sa mesa. Wala akong nagawa kundi umu