0010: Ang muling pagkikita

Serenity’s Point of View

Tumigil ang sasakyan sa harap ng isang napakagarang mansyon, at agad kong naramdaman ang kakaibang kaba na sumiklab sa aking dibdib. Sa labas, nakatayo si Ricky Dave Montello, tinitingnan ang kanyang wristwatch na parang naghihintay ng isang mahalagang sandali. Nang bumaba ang butler at bumulong kay Ricky Dave, nakita kong agad siyang tumingin sa direksyon ko, mabilis na naglakad papalapit sa sasakyan.

Nang buksan niya ang pintuan, ramdam ko agad ang bigat ng kanyang presensya. Tila ba kaya niyang kontrolin ang lahat ng nasa paligid niya, at sa sandaling iyon, ako ang sentro ng kanyang atensyon.

"Serenity," malamig niyang sabi, at tila tumigil ang oras. "Kailangan mong umakto ng tama. Sa loob ng bahay na ito, ikaw ang girlfriend ko, o fiancée. Bahala ka na kung ano ang mas madaling gawin. Pero dapat, umakto ka nang maayos."

Napakabilis ng tibok ng puso ko. Ano ba ang pinasok ko? Alam kong walang ibang pagpipilian kundi sundin siya, kahit na hindi ko alam kung