009: Espesyal na okasyon

Serenity's Point of View

Pagod na ako sa lahat ng nangyari, ngunit ang isip ko ay gulong-gulo pa rin sa eksenang nasaksihan ko kanina. Pagbalik ko sa upuan ko, hindi ko mapigilang sundan ng tingin ang gwapong lalaking umalis. May kung anong pwersa sa loob ko ang nagtutulak na sundan siya, na alamin kung sino siya, ngunit nilabanan ko iyon. Sino ba naman siya sa akin? Wala akong karapatan, wala akong dahilan.

Sa gilid ng mata ko, nakita kong papalapit ang butler na kanina'y kasama ng gwapong lalaki. Balak yata niya itong sundan, ngunit biglang iniharap ng lalaki ang palad niya, na tila isang tahimik na utos na huminto. Sumunod naman ang butler, tumigil ito sa paglakad at nanatiling nakatayo, tila walang imik at naghihintay ng susunod na ipag-uutos.

Hindi ko maiwasang mag-isip: Sino kaya ang lalaking iyon? Anong kaugnayan niya sa kliyente ko? Maraming tanong ang nagsulputan sa isipan ko, ngunit wala akong sapat na impormasyon para sagutin ang mga ito.

“Sumunod na po kayo, ihahatid ko n